الابطال
انت غير مسجل بشبكة ومنتديات الابطال ... للإشتراك مجانى اضغط على كلمة [التسجيل] , و اذا كنت عضو مسجل أضغط على كلمة [دخول] ,~~

ميدان الجيزة

اذهب الى الأسفل

ميدان الجيزة

مُساهمة من طرف hazem77077 في الثلاثاء فبراير 19, 2008 12:47 am

على سلامة

ضَيعّت شوية سنين كدة ...

بَحب من بعيد لبعيد...

والحكاية مقّضيّانى ...

ومبسوط وراضى وسعيد ...

أفرح بأى حَاجة ...

واستنى هدُوم العيد ...

وبَعدين ضَيعّت شوية سنين ...

نفسى أبقى أشطر واحد فى الكيميا ...

مع أنى مش فاهم ميدان الجيزة ...

والحياة رغم قسوتها ...

شايفها لذيذة ...

وضيعت شوية سنين بقى ...

نفسى أعدَّى اختبارات الكورة ...

فى النادى الأهلى ...

واشتغل فى وكالة ناسا ...

وابقى واحد من العلماء المهمين ...

وبعدين ضيعّت شوية سنين ...

منتهى أملى كرسى فاضى ...

فى أُتُوبيس تلات خَمسات ...

عين الصيرة أم المصريين ...

وضيعّت شوية سنين ...

عايز أفهم الفرق ...

بين النّكسة والهزيمة ...

والاحترام وقلة القيمة ...

وأبقى نجم سيما ...

م المشهورين ...

وبعدين ضيعت شوية سنين ...

واقف عند نظرية المؤامرة ...

لـا عارف اعيش ف الزمالك ...

ولا راضى أعيش فى غمرة ...

ومش عارف لية الحشيش ممنوع ...

مدام مصرحين بالخمرة ...

وياترى بقى أتجوز ...

واحدة بيضة ولا سمرة ...

ولا اسأل فيها ...

رجال الفتوى والدين ...

وضيّعت شوية سنين ...

مركز ف السّيراميك ...

والبيبان والشبابيك ...

وألوان الحيطان ...

وده بيج وده سن فيل ...

والموضة الأصفر ...

وقشر الموزة ...

وضيعّت شوية سنين ...

لا انا بحر ولا نيل ...

حاجة كدة بعيد عنك ...

ملهاش عُوزة ...

ولمّا بقيت كام وخمسين ...

لقيتنى لسّه ...

بَحَب من بعيد لبعيد ...

وبرضُه مش فاهم ...

مِيدان الجيزة ...









hazem77077
avatar
hazem77077
عضو نشيط
عضو نشيط

ذكر
عدد الرسائل : 66
الموقع : www.el-abtal.hooxs.com
نقاط السمعه : 0
تاريخ التسجيل : 03/02/2008

معاينة صفحة البيانات الشخصي للعضو http://www.el-abtal.hooxs.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى